Stjórn KFÚ auglýsir eftir umsóknum um styrki til þeirra verkefna sem sjóðnum er ætlað að sinna samkvæmt skipulagsskrá fyrir sjóðinn nr. 173/2000, sbr. breytingu á þeirri skipulagsskrá nr. 1379/2023. Samkvæmt 4. gr. skipulagsskrárinnar er hlutverk sjóðsins að „styðja við og efla kynningar- og fræðslustarf kirkjunnar svo og útgáfustarfsemi á því sviði.“

Umsækjendur skulu gera skilmerkilega grein fyrir verkefni því sem sótt er um styrk til. Umsókn skulu fylgja þau gögn sem tilefni þykir vera til. Umsóknareyðublað er aðgengilegt hér.

Umsóknarfrestur er til 31. maí 2025. Stefnt er að úthlutun fyrri hluta júní mánaðar og verður öllum umsækjendum svarað.

Umsókn skal senda á netfangið kirkjan hjá kirkjan.is. Í titillínu skal rita „Umsókn um styrk í Kynningar-, fræðslu- og útgáfusjóð kirkjunnar 2025.“

Skipulagsskráin með síðari breytingu er aðgengileg á vef kirkjunnar.