Þrjátíu ár frá snjóflóðunum í Súðavík

Altari Guðríðarkirkju

Í dag, fimmtudaginn 16. janúar, eru 30 ár liðin frá hinu hræðilega snjóflóði í Súðavík sem kostaði 14 mannslíf.

Af því tilefni verður minningarstund í Guðríðarkirkju í kvöld, 16. janúar, kl 20:00 þar sem þessa atburðar verður minnst og þeirra sem létu lífið.

Einnig verður þeirra fjölmörgu björgunarsveitarmanna, viðbraðgsaðila, og allra þeirra sem að björgunar og hjálparstörfum komu, minnst og beðið fyrir þeim.

Leifur Ragnar Jónsson og María Rut Baldursdóttir, prestar Guðríðarkirkju, þjóna við athöfnina.

Karl V. Matthíasson fyrrum sóknarprestur við kirkjuna þjónar einnig.

Ómar Már Jónsson fyrrverandi sveitarstjóri í Súðavík flytur ávarp.

Kór Guðríðarkirkju syngur undir stjórn Arnhildar Valgarðsdóttur organista en hún leikur einnig á orgel og píanó.

Matthías Stefánsson leikur á fiðlu.

Forseti Íslands, forsætisráðherra, innviðaráðherra, fyrrum biskup Íslands, fulltrúar Rauða Krossins og Landsbjargar verða viðstödd athöfnina.

Öll eru hjartanlega velkomin.

slg