Nemendur Listaháskóla Íslands í Hallgrímskirkju

Laugardaginn 18. nóvember kl. 14:00 munu nemendur tónlistardeildar Listaháskóla Íslands flytja fjölbreytta tónlist frá ýmsum tímabilum í Hallgrímskirkju kl. 14:00.

Á dagskránni eru orgelverk, kammertónlist með trompet, aríur og kórverk.

Að sögn Sólbjargar Björnsdóttur tónleika- og kynningarstjóra Hallgrímskirkju þá eru tónleikarnir samstarfsverkefni tónlistardeildar Listaháskóla Íslands og Hallgrímskirkju.

„Markmiðið með samstarfinu er meðal annars að kynna nemendur skólans fyrir Klais orgelinu og rými kirkjunnar til tónlistarflutnings auk þess að gefa samfélaginu tækifæri til að heyra hvað nemendur tónlistardeildar sem er tónlistarfólk framtíðarinnar hafa fram að færa.

Tónleikarnir bjóða upp á mjög fjölbreytta tónlist eru alltaf mjög glæsilegir og metnaðarfullir“

segir Sólbjörg.

Nánar má sjá um tónleikana hér.

slg