Þrjár umsóknir bárust

Grundarfjarðarkirkja

Biskup Íslands auglýsti nýlega starf sóknarprests við Setbergsprestakall í Vesturlandsprófastsdæmi.

Umsóknarfrestur rann út 16. október s.l.

Þrjár umsóknir bárust.

Tveir umsækjendur óska nafnleyndar.

Þriðji umsækjandinn er Laufey Brá Jónsdóttir mag. theol.


Prestakallið

Setbergsprestakall er Grundarfjarðarbær á norðanveru Snæfellsnesi.

Í prestakallinu er einn þéttbýlisstaður og dreifbýli.

Prestakallið er ein sókn, Setbergssókn, með tvær kirkjur, Grundarfjarðarkirkju og Setbergskirkju.

Starfinu fylgja viðbótarskyldur við önnur prestaköll í prófastsdæminu, önnur prófastsdæmi, sem og við Þjóðkirkjuna – biskupsstofu og önnur kirkjuleg stjórnvöld.

Allar gildar umsóknir fara til valnefndar sem fer yfir allar umsóknir og boðar umsækjendur til viðtals innan þriggja vikna frá lokum umsóknarfrests, sbr. 8. gr. starfsreglna um ráðningu í prestsstörf.

Valnefnd skal ná samstöðu um einn umsækjenda, en valið skal byggt á fyrirliggjandi þarfagreiningu og rökstutt á grundvelli hennar.

Í framhaldinu ræður biskup viðkomandi í starfið, að því gefnu að hann telji niðurstöður valnefndar reistar á lögmætum sjónarmiðum.

slg

Myndir með frétt