Laust starf kirkjuvarðar

Egilsstaðakirkja

Sóknarnefnd Egilsstaðakirkju óskar eftir að ráða starfsmann sem á að sjá um kirkjuvörslu í 50% starfshlutfall frá og með 1. september næst komandi eða eftir samkomulagi.

Verksvið kirkjuvarðar er:

Ræstingar og önnur umsjón með Egilsstaðakirkju og safnaðarheimilinu í Hörgsási 4.

Vikuleg innkaup vegna kirkjustarfsins.

Önnur tilfallandi verkefni við kirkjuna.

Vinnutími er sveigjanlegur og eftir samkomulagi, en er að mestu leyti á virkum dögum.

Ekki er gert ráð fyrir að kirkjuvörðurinn þurfi að aðstoða við athafnir í kirkjunni en gæti í einhverjum tilfellum verið beðinn um að mæta til vinnu um helgar og á hátíðisdögum til að undirbúa kirkjuna fyrir athafnir.

Hæfniskröfur eru eftirfarandi:

Sóknarnefndin leitar að duglegum, jákvæðum og samviskusömum kirkjuverði sem sýnir frumkvæði og áhuga í vinnunni.

Íslenskukunnátta er kostur en ekki skilyrði.

Umsækjandi þarf að skrifa undir samþykki um að aflað sé upplýsinga úr sakaskrá.

Hlekk á eyðublaðið má finna hér.

Laun og önnur starfskjör eru samkvæmt kjarasamningum og lögum.

Þau sem hafa áhuga á að sækja um starfið eru vinsamlega beðin um að hafa samband við sr. Þorgeir Arason sóknarprest Egilsstaðaprestakalls í síma 847-9289 eða í tölvupósti á netfangið thorgeir.arason@kirkjan.is.

slg