Prestsvígsla í Dómkirkjunni í Reykjavík

Vígsluþegar ásamt Biskupi Íslands og vígsluvottum

Prestsvígsla var í Dómkirkjunni í Reykjavík í gær 12. febrúar.

Biskup Íslands vígði tvo presta.

Vígð voru sr. Karen Hjartardóttir og sr. Ægir Örn Sveinsson.

Sr. Karen vígist til Bjarnanesprestakalls, sem nær yfir Hafnarsókn í Hornafirði, Bjarnanessókn, Brunnhólssókn, Hofssókn í Öræfum og Kálfafellsstaðarsókn.

Sóknarprestur í Bjarnanesprestakalli er sr. Gunnar Stígur Reynisson.

Sr. Ægir Örn vígist til Ólafsvíkur- og Ingjaldshólsprestakalls.

Þar eru tvær sóknir, Ingjaldshólssókn og Ólafsvíkursókn.

Vígsluvottar voru sr. Gunnar Stígur Reynisson, sr. Halldóra Þorvarðardóttir prófastur Suðurprófastsdæmis, sr. Gunnar Eiríkur Hauksson prófastur Vesturlandsprófastsdæmis og sr. Magnús Björnsson pastor emeritus.

Sr. Elínborg Sturludóttir þjónaði fyrir altari.


slg

Myndir með frétt