Kirkjuþing 2021-2022

Bjalla kirkjuþings - gefin 1985 - mynd: hsh

Setning kirkjuþings 2021-2022 fer fram í Bústaðakirkju í Reykjavík laugardaginn 23. október kl. 10.00.

Setningarathöfnin hefst með helgihaldi sem sr. Agnes M. Sigurðardóttir, biskup Íslands, stýrir.

Þá flytja félagar úr Kammerkór Bústaðakirkju tónlist. Einsöngvari er Jóhann Friðgeir Valdimarsson en við píanóið er Jónas Þórir.

Síðan setur Drífa Hjartardóttir, forseti kirkjuþings, þingið, sem er 62. í röðinni. Þá flytur biskup Íslands ávarp.

Fundir kirkjuþings fara fram í húsakynnum Biskupsstofu í Katrínartúni 4 og hefjast klukkan 13.00.

Streymt verður frá fundum kirkjuþings.

Mörg mál liggja fyrir kirkjuþingi og þau má sjá hér. Fundir kirkjuþings standa yfir fram á miðvikudag en fundum verður svo frestað fram í lok nóvember.

Kjörtímabil núverandi kirkjuþingsmanna rennur út þá 62. þingið lýkur störfum sínum. Á næsta ári verður kjörið til nýs kirkjuþings.

Kirkjuþingsfulltrúar.

Störf og nefndir kirkjuþings.

hsh