Prests- og djáknavígsla

Dómkirkjan og himinninn

Biskup Íslands, sr. Agnes M. Sigurðardóttir, vígir sunnudaginn 1. mars tvo guðfræðinga og tvo djáknakandidata, í Dómkirkjunni í Reykjavík. Hefst athöfnin kl. 11.00.

Pétur Ragnhildarson, mag. theol., verður vígður sem æskulýðsprestur í Guðríðarkirkju og Fella-og Hólakirkju, í Reykjavíkurprófastsdæmi eystra. 

Þóra Björg Sigurðardóttir mag. theol., verður vígð til prestsþjónustu í Garða- og Saurbæjarprestakalli, Vesturlandsprófastsdæmi. 

Vígsluvottar: sr. Guðmundur Karl Ágústsson, sr. Arna Ýrr Sigurðardóttir, sr. Arnfríður Guðmundsdóttir, sr. Elínborg Sturludóttir, sr. Karl Valgarður Matthíasson, sem lýsir vígslu, og sr. Þráinn Haraldsson.

Djáknakandidat Anna Hulda Júlíusdóttir vígist til þjónustu við orlof aldraðra á Löngumýri, Glaumbæjarprestakalli, Skagafirði, en hún hefur verið kölluð til þeirrar þjónustu af próföstum Reykjavíkurprófastsdæmanna beggja, og djáknakandidat Jóhanna María Eyjólfsdóttir vígist sem djákni til þjónustu í Áskirkju í Reykjavíkurprófastsdæmi vestra.

Vígsluvottar: Djáknarnir Þórey Dögg Jónsdóttir og Rósa Kristjánsdóttir, og sr. Sigurður Jónsson og sr. Henning Emil Magnússon.

hsh