KirkjuráðÞað voru tímamót í morgun þegar kirkjuráð kom til fundar á Biskupsstofu í Katrínartúni 4 og hélt sinn 300asta fund.

Biskup Íslands, sr. Agnes M. Sigurðardóttir, er forseti kirkjuráðs en auk hennar sitja í ráðinu sr. Arna Grétarsdóttir, sr. Axel Árnason Njarðvík, Stefán Magnússon og Svana Helen Björnsdóttir.

Kirkjuráð fer með framkvæmdavald í málefnum þjóðkirkjunnar eftir markaðri stefnu laga og samþykkta kirkjuþings. Ráðið fer með framkvæmd þeirra sameiginlegu verkefna þjóðkirkjunnar sem lög og stjórnvaldsreglur ætla því og erinda sem vísað er til þess, m.a. af hálfu kirkjuþings, prestastefnu, samtökum leikmanna, Alþingis og ráðherra.

Sjá nánar um kirkjuráð hér.