Prestsvígsla í DómkirkjunniÍ gær vígði biskup Íslands, sr. Agnes M. Sigurðardóttir, cand. theol., Ingu Harðardóttur, í Dómkirkjunni í Reykjavík, til þjónustu við íslenska söfnuðinn í Noregi. Athöfnin var hátíðleg og fjölmenn.

Sr. Helga Soffía Konráðsdóttir, prófastur Reykjavíkurprófastsdæmi vestra, lýsti vígslu. Vígsluvottar voru sr. Karl Sigurbjörnsson, biskup, sr. Irma Sjöfn Óskarsdóttir, prestur í Hallgrímskirkju, sr. Ása Laufey Sæmundsdóttir, héraðsprestur í Reykjavíkurprófastsdæmi vestra, og sr. Elínborg Sturludóttir, prestur í Dómkirkjunni, sem þjónaði fyrir altari.

Umsóknarfrestur um starfið rann út 21. janúar sl. og sóttu tveir um embættið. Annar umsækjandinn dró umsókn sína til baka. Um 7000 Íslendingar sem tilheyra þjóðkirkjunni eru búsettir í Noregi og hefur safnaðarstarfið lengi vel verið öflugt.