Fastað fyrir umhverfið

Nú þegar fastan er gengin í garð þykir rétt að minna á verkefni sem varð til í Eyjafjarðar- og Þingeyjarprófastdæmi en það er Fasta fyrir umhverfið. Slíkt hefur líka verið tíðkað í sumum kirkjum nágrannalanda okkar.

Verkefnið er föstudagatal sem hefur það markmið að hjálpa okkur að gera hversdaginn umhverfisvænni.

Páskafastan varir í 40 daga og á hverjum degi fáum við lítið verkefni sem styður okkur í því að draga úr kolefnisfótsporinu okkar eða ganga betur um jörðina. Með því að taka eitt skref í einu getum við breytt gömlum venjum, dregið úr vistsporinu okkar og verndað jörðina.