Embætti prests við Dómkirkjuna í Reykjavík, var auglýst laust til umsóknar og rann umsóknarfrestur út þann 23. mars sl.

Fjórir umsækjendur sóttu um embættið, en þeir eru í stafrófsröð; cand. theol. Bryndís Svavarsdóttir, séra Elínborg Sturludóttir, séra Gunnar Jóhannesson og mag. theol. Helga Kolbeinsdóttir.

Biskup Íslands skipar í embættið frá 1. maí nk. til fimm ára. Umsóknir hljóta umfjöllun matsnefndar um hæfni til prestsembættis og að fenginni niðurstöðu hennar fjallar kjörnefnd prestakallsins um umsóknirnar. Kjörnefnd kýs að því búnu milli umsækjendanna og skipar biskup Íslands þann umsækjanda sem hlýtur löglega kosningu.