Víðistaðakirkja

 

Ljósmyndasamkeppni

Víðistaðakirkja efnir til ljósmyndasamkeppni í tilefni af 25 ára vígsluafmæli kirkjunnar á næsta ári. Tilgangur keppninnar er að vekja athygli á þeim tímamótum, kirkjunni sjálfri, starfi hennar og fallegu umhverfinu á Víðistaðatúni. Þema keppninnar er „Víðistaðakirkja – Víðistaðatún“ og þurfa myndirnar því að vera teknar á því svæði.  Hver keppandi getur sent inn eins margar myndir og hann vill og þær mega vera teknar hvenær sem er. Nýheri styrkir keppnina og veitir vegleg verðlaun fyrir 3 bestu myndirnar, í 1. verðlaun er Canon Powershot A2400 IS Silver myndavél, 2. verðlaun Canon PIXMA iP4950 prentari og 3. verðlaun Pro 61,2 -151,4 cm þrífótur frá Camlink. Skilafrestur er 31. október nk. Myndir sendist á netfangið srbragi@vidistadakirkja.is merktar ljósmyndasamkeppni. Sjá nánar hér.

Bragi J. Ingibergsson, 9/10 2012

Bæn og biblíuleg íhugun

Miðvikudaginn 10. október verður haldið námskeið um bæn og biblíulega íhugun í Víðistaðakirkju í Hafnarfirði. Fjallað verður um fornar og nýjar aðferðir við að tengja saman bæn og lestur Biblíunnar. Sérstök áhersla verður lögð á aðferð sem nefnist Lectio Divina og felur í sér innlifun í ákveðnar biblíufrásagnir. Fá þátttakendur bæklinginn Skóli Orðsins í hendur. Kennari á námskeiðinu er María Ágústsdóttir, verkefnisstjóri á Biskupsstofu. Námskeiðið stendur yfir frá kl. 18 til kl. 20 og er boðið upp á hressingu í hléi. Ekkert þátttökugjald er en mikilvægt að skrá sig á netfangið kristin.arnardottir@kirkjan.is eða í síma 528 4000.

Bragi J. Ingibergsson, 4/10 2012

Fjölskylduhátíð

Fjölskylduhátíð á sunnudaginn þann 7. október. Barna- og unglingakórinn syngur undir stjórn Áslaugar Bergsteinsdóttur. Sjá nánar hér.

Bragi J. Ingibergsson, 3/10 2012

Hádegistónleikar

Fyrstu hádegistónleikar Víðistaðakirkju í haust verða haldnir á föstudagurinn kemur, þann 5. október kl. 12:00. Emil Friðfinnsson hornleikari flytur verk eftir Telemann, Messiaen, Dukas, Mendelssohn og Saint-Saëns. Meðleikari er Örn Magnússon píanóleikari.

Aðgangseyrir á tónleikana er kr. 1.000,- og síðan er hægt að kaupa léttan málsverð í safnaðarheimilinu eftir tónleika sem kostar kr. 500,-. Allur ágóði rennur í orgelsjóð kirkjunnar.

 

Bragi J. Ingibergsson, 3/10 2012

Helgihald 30. september

Á sunnudaginn kemur, 30. sept. þjónar sr. Kristín Þórunn Tómasdóttir héraðsprestur og kirkjukórinn syngur undir stjórn Árna Heiðars Karlssonar organista. Sunudagaksólinn verður líka á sínum stað uppi í suðursal kirkjunnar. Sjá nánar hér.

Bragi J. Ingibergsson, 27/9 2012

Svavar Knútur kemur í heimsókn

Í guðsþjónustu á sunnudaginn kemur mun tónlistarmaðurinn góðkunni og geðþekki Svavar Knútur sjá um allan tónlistarflutning. Sjá nánar hér.

Bragi J. Ingibergsson, 19/9 2012

Prédikun síðasta sunnudags

 „Ég hef rist þig í lófa mér.“

 „Snertingin og hlýjan skiptir svo miklu máli, við setjum gjarnan fingur í litla lófann hennar og hún tekur utan um með smáum fingrum.“

Ég gekk inn á vökudeildina í fylgd stolts en nokkuð áhyggjufulls föður, sem lét þessi orð falla er hann lýsti samskiptum sínum við nýfædda dóttur sína. ………

Lesa meira..

Bragi J. Ingibergsson, 19/9 2012

Helgihald sunnudaginn 16. sept.

Guðsþjónusta kl. 11:00. Kór Víðistaðasóknar syngur undir stjórn Arnar Faulkner.  Sóknarprestur sr. Bragi J. Ingibergsson þjónar fyrir altari og prédikar.

Sunnudagaskóli kl. 11:00. Fjölbreytt og skemmtileg stund fyrir alla fjölskylduna, fer fram uppi í suðursal kirkjunnar. Verið velkomin!

Bragi J. Ingibergsson, 14/9 2012

Barna- og unglingastarfið

Barna- og unglingastarf vetrarins fer að hefjast. 6-9 ára starfið hefst kl. 16:00 og 10-12 ára (TTT) starfið kl. 17:00 þriðjudaginn 18. september nk.

Unglingastarfið í Æskulýðsfélaginu Megasi hefst mánudaginn 24. september kl. 19:30.

Bragi J. Ingibergsson, 12/9 2012

Kyrrðarstundir

Kyrrðarstundir hefjast að nýju miðvikudaginn 19. september kl. 12:00. Notalegar og friðsælar stundir í kirkjunni og samvera yfir gómsætri súpu í safnaðarheimilinu á eftir. Næring fyrir sál og líkama!

Bragi J. Ingibergsson, 12/9 2012

Viðtalstímar sóknarprests: Alla virka daga nema mánudaga kl. 11.00 – 12.00 - og eftir samkomulagi.

Símar í Víðistaðakirkju:
Sóknarprestur: 565-2050
Kirkjuvörður: 565-2051
Organisti: 868-3110

Neyðarþjónusta presta
Vaktsími: 659 7133
Prestarnir í Hafnarfirði og Garðabæ hafa með sér samstarf um vaktsíma utan venjulegs skrifstofutíma. Hægt er að hringja í símann vegna aðkallandi málefna sem ekki þola bið fram á næsta dag.

Sunnudagur

Sjá Helgihald

Dagskrá ...