Kjalarnessprófastsdæmi

 

Hvalsnessókn

Sóknarprestur:
Sr. Sigurður Grétar Sigurðsson
srgs(a)simnet.is

——————————————————————————–
Hvalsneskirkja var reist á árunum 1886-87 og vígð á jóladag 1887 af sóknarprestinum. Það var Ketill Ketilsson, hreppsstjóri í Kotvogi og eigandi Hvalsnessjarðarinnar, sem lét reisa kirkjuna. Kirkjan er hlaðin úr tilhöggnum steini. Magnús Magnússon, múrari frá Gauksstöðum í Garði hafði umsjón með því verki, en hann drukknaði veturinn 1887. Tók þá við verkinu Stefán Egilsson, múrari úr Reykjavík. Magnús Ólafsson, trésmíðameistari úr Reykjavík, sá um tréverk. Kirkjan var tekin til gagngerra endurbóta 1945 undir umsjón Guðjóns Samúelssonar, húsameistara ríkisins. Mesti dýrgripur kirkjunnar er vafalaust legsteinn sá er síra Hallgrímur Pétursson hjó og setti á leiði Steinunnar, dóttur sinnar. Steinninn fannst þegar grafið var fyrir stétt, sem steypa átti fyrir framan kirkjudyr 1964. Þar mun hann hafa legið alllengi, jafnvel verið fluttur á þann stað úr kirkjugarði þegar kirkjan var reist. Steinninn hefur einhverntíma brotnað og vantar því stafi aftan á nafnið svo og síðasta staf ártalsins, en það mun eiga að vera 1649.
——————————————————————————–

Reynir Sveinsson, formaður sóknarnefndar- Bjarmalandi 5, 245 Sandgerði
s: 897-8007, reynir@sandgerdi.is

     

    Strandgötu, 220 Hafnarfirði, | Kt. 691281-0199. Sími 5667301 · Kerfi RSS