Kjalarnessprófastsdæmi

 

Brautarholtssókn

Starfsfólk

Sr. Arna Grétarsdóttir
s. 865-2105, arna.gretarsdottir@kirkjan.is

Guðmundur Ómar Óskarsson, organisti
s. 659-9057, omar@varmarskoli.is

Brautarholtskirkja

Brautarholtskirkja á Kjalarnesi má teljast afkomandi fyrstu kirkju á Íslandi, þeirrar kirkju sem suðureyski landnámsmaðurinn Örlykur Hrappsson reisti á Esjubergi skömmu fyrir árið 900 og frá segir í Landnámu og víðar. Kirkjan, sem þar er nú, var reist árið 1857 af Eyjólfi Þorvarðarsyni frá Bakka á Kjalarnesi. Áratug eftir vígslu kirkjunnar kom þjóðskáldið séra Matthías Jochumsson til þjónustu í kirkjunni (1867-73). Nýlega var kirkjan endurbyggð frá grunni.

Saurbæjarkirkja

Saurbær á Kjalarnesi er ævaforn kirkjustaður og löngum höfðingjasetur. Saurbæjarkirkja er steinkirkja vígð á jóladag 1904. Rúmlega tveimur árum áður hafði timburkirkjan sem stóð á sama stað fokið í ofsaveðri. Sú kirkja var byggð af Eyjólfi Þorvarðarsyni sem reisti fleiri kirkjur, m.a. í Brautarholti og á Þingvöllum. Það var Eyjólfur Runólfsson, bóndi í Saurbæ, sem lét byggja nýju kirkjuna. Hún er lítil (8 x 6 m) en snotur; setloft er yfir framkirkju. Hún var bændakirkja til 1950 þegar söfnuðurinn tók við henni. Kirkjan á merka gripi, sem flestir komu til hennar í tíð Sigurðar sýslumanns Björnssonar, sem bjó í Saurbæ 1687-1723.

Formaður sóknarnefndar og safnaðarfulltrúi

Björn Jónsson, formaður
s. 8923042, bjorn@brautarholt.is

Sigríður Pétursdóttir, safnaðarfulltrúi
sigridu(hja)hi.is

Efni og myndir sem tengjast Brautarholtskirkju.

 

     

    Strandgötu, 220 Hafnarfirði, | Kt. 691281-0199. Sími 5667301 · Kerfi RSS