Hafnarfjarðarkirkja

 

Upprunagerð af ‘Heims um ból’ verður flutt í útvarpsmessu á jóladag kl 11 í tilefni af 200 ára afmæli sálmsins

Á jóladag verða 200 ár liðin frá því að sálmurinn  ‘Stille Nacht, heilige Nacht’ var fyrst fluttur í smábæ í Austuríki. Sálmurinn hefur verið þýddur á fjölda tungumála og er sunginn í öllum heimsálfum, án efa einn þekktasti sálmur kristninnar. Af þessu tilefni verður upprunagerð af sálminum flutt í útvarpsmessu í Hafnarfjarðarkirkju á jóladag kl 11, í tveimur röddum og við gítarundirleik. Notuð verður þýðing Helga Hálfdanarsonar ‘Blíða nótt. Blessaða nótt’ sem er ein af nokkrum íslenskum þýðingum en þekktastur er frumsamin texti Sveinbjarnar Egilssonar ‘Heims um ból, helg eru jól’, og verður sá texti sunginn í lok messunnar við lagið eins og við þekkjum það, sem er nokkuð frábrugðið upprunalegu gerðinni.

Jón Helgi Þórarinsson, 20/12 2018

Helgihald um jól og áramót í Hafnarfjarðarkirkju og á Sólvangi

Aðfangadagur jóla, 24. desember
Aftansöngur kl. 18 Prestar sr. Jón Helgi Þórarinsson og sr. Stefán Már Gunnlaugsson Organisti Guðmundur Sigurðsson Barbörukórinn syngur Einsöngvari Eyjólfur Eyjólfsson Jólanótt, 24. desember Miðnæturmessa kl. 23:30 Prestar sr. Jón Helgi Þórarinsson og sr. Sigurður Kr. Sigurðsson Organisti Douglas A. Brotchie Einsöngvari Ágúst Ólafsson

Jóladagur, 25. desember
Hátíðarmessa kl. 11 Athugið tímann en messunni er útvarpað á Rás 1 Prestur  sr. Jón Helgi Þórarinsson Organisti Guðmundur Sigurðsson Barbörukórinn syngur Flutt verður upprunaútgáfa af “Heims um ból” á 200 ára afmæli sálmsins Auður Guðjohnsen og Hulda Dögg Proppé syngja tvísöng Gítarleikari Þröstur Þorbjörnsson
Sólvangur kl. 15:00 Hátíðarguðsþjónusta Prestur sr. Jón Helgi Þórarinsson Organisti Guðmundur Sigurðsson Félagar úr Barbörukórnum syngja

Gamlársdagur, 31. desember
Aftansöngur kl. 17 - Athugið tímann Prestur sr. Stefán Már Gunnlaugsson Organisti Guðmundur Sigurðsson Barbörukórinn syngur Einsöngvari Þórunn Vala Valdimarsdóttir

Nýársdagur, 1. janúar 2019 Hátíðarmessa kl. 14 Prestur sr. Jón Helgi Þórarinsson Ræðumaður Egill Friðleifsson Organisti Guðmundur Sigurðsson Barbörukórinn syngur Einsöngvari Hugi Jónsson

Þettándinn, 6. janúar 2019 Helgistund kl. 11 -  Jólin kvödd Prestur sr. Stefán Már Gunnlaugsson Organisti Douglas A. Brotchie

Jón Helgi Þórarinsson, 17/12 2018

Fjölskyldustund og jólaball kl 11 og jólavaka við kertaljós kl 20 sunnudaginn 16. desember

Fjölskyldustund á aðventu kl. 11. Barna og Unglingakórar kirkjunnar flytja jólahelgileik ásamt hljómsveit. Helga Lofstsdóttir stjórnar. Hljóðfæraleikarar Guðmundur Sigurðssonar (píanó og orgel), Andrés Þór Gunnlaugsson (gítar) og Þorgrímur Jónsson (bassi). Ljós tendruð á aðventukransinum. Sunnudagaskólinn tekur þátt í stundinni og Bylgja Dís Gunnarsdóttir leiðir stundinar ásamt sóknarpresti.
Jólaball í safnaðarheimilinu kl 11.30. Dansað í kringum jólatréð og jólasveinar koma í heimsókn. Kakó og piparkökur.

Jólavaka við kertaljós  kl. 20. Ræðumaður: Einar Kárason, rithöfundur. Barbörukórinn og Unglingakór Hafnarfjarðarkirkju flytja aðventu- og jólatónlist undir stjórn Guðmundar Sigurðssonar og Helgu Loftsdóttur. Gunnar Gunnarsson leikur á flautu. Sr Jón Helgi Þórarinsson leiðir stundina. Kirkjan myrkvuð í lok stundar og kveikt á kertum hjá kirkjugestum. Kakó og piparkökur eftir stundina. Allir velkomnir
.161218

Jón Helgi Þórarinsson, 11/12 2018

Fermingarfræðsla þriðjudaginn 11. desember

Síðasti fermingartíminn fyrir jól.
Kl 16 koma fermingarbörn úr Hvaleyrarskóla.
Kl 17 mæta fermingarbörn úr Setbergsskóla.
Þau fermingarbörn sem áttu að koma síðasta þriðjudag en gátu ekki komið þá eru beðin um að koma í þennan tíma.

Jón Helgi Þórarinsson, 10/12 2018

Aðventumessa og sunnudagaskóli 9. desember. Ljósið frá Betlehem borið í kirkju

Sunnudaginn 9. desember kl 11 verða aðventumessa og sunnudagaskóli í Hafnarfjarðarkirkju. Skátar bera ljósið frá Betlehem til kirkju eins og þeir hafa gert undanfarin ár. Kveikt verður á tveimur kertum á aðventukransinum.
Sr Stefán Már Gunnlaugsson messar, Guðmundur Sigurðsson leikur á orgelið og Þórunn Vala Valdimarsdóttir leiðir safnaðarsöng og syngur einsöng.
Bylgja Dís sér um fjölbreytta dagskrá í sunnudagaskólanum ásamt sínu aðstoðarfólki.
Kaffisopi og djús á eftir.

Jón Helgi Þórarinsson, 7/12 2018

Fermingarfræðsla þriðjudaginn 6. desember

Kl. 16 mæta fermingarbörn úr  Öldutúnsskóla, Áslandsskóla og Nú
Kl. 17 mæta fermingarbörn úr Lækjarskóla og Hraunvallaskóla

Jón Helgi Þórarinsson, 3/12 2018

100 ára fullveldisafmæli Íslands. Fjölbreytt hátíðardagskrá í Hafnarfjarðarkirkju 1. og 2. desember

Laugardagurinn 1. desember
Fjölbreytt dagskrá og kaffiveitingar kl 13 – 16

Kl 13 Opnun hátíðar í Hásölum og sýningar í Ljósbroti Hafnarfjarðarkirkju. Magnús Gunnarsson.
13.15-13.30  Eyjólfur Eyjólfsson syngur íslensk þjóðlög og leikur á langspil ásamt nemendum úr Sönskóla Sigurðar Demetz.
13.30-14.00 Hátíð Hamarskotslækjar – fyrirlestur: Steinunn Guðnadóttir. Jóhannes J. Reykdal, Hafnarfjörður og Ísland í byrjun 20 aldar.
14.00 -14.15 Hátíð Hamarskotslækjar – kvikmynd. Halldór Árni Sveinsson Netsamfelag.is.
14.15.-15.00 Annríki þjóðbúningar og skart – fyrirlestur. Guðrún Hildur Rosenkjær.  Íslenski Þjóðbúningurinn, þróun hans og áhrif Sigurðar Guðmundssonar.
15.00-16.00 Hátíðarkaffi.

Sunnudagurinn 2. desember
Hátíðarmessa kl 11.00
Félagar í Þjóðbúningafélaginu Annríki ganga til kirkju í þjóðbúningum og annast lestra.
Jón Sigurðsson, fyrrv. skólastjóri og ráðherra flytur hátíðarræðu.
Barbörukórinn syngur ættjarðarlög og aðventusálma.
Prestur sr Jón Helgi Þórarinsson. Organisti Guðmundur Sigurðsson.
Sunnudagaskólinn hefst kl 11.00 Kveikt á fyrsta aðventukertinu.
Kaffiveitingar í safnaðarheimilinu á eftir.
Útskrift Annríkis þjóðbúningar og skart.

Jón Helgi Þórarinsson, 28/11 2018

Rými fyrir kyrrð í skammdeginu

Fræðslukvöld miðvikudaginn 28 nóvember kl 20 – 20.45. 
Bylgja Dís Gunnarsdóttir fjallar um og kennir aðferðir til að iðka íhugun, bæn og þakklæti.
Verið öll velkomin.

Jón Helgi Þórarinsson, 26/11 2018

Fermingarfræðsla 27. nóvember

Kl. 16 koma fermingarbörn úr Hvaleyrarskóla
Kl. 17 koma fermingarbörn úr Setbergsskóla

Jón Helgi Þórarinsson, 26/11 2018

Hádegistónleikar í Hafnarfjarðarkirkju þri. 27. nóv. kl. 12:15

Íhugunartónlist fyrir orgel í skammdeginu í aðdraganda jólaföstu. Eitt elsta orgelverk sem til er varðveitt á prenti verður leikið. Ef þið viljið slaka á og fá gott samfélag á eftir yfir kaffibolla í safnaðarheimilinu skuluð þið endilega líta við og hlusta á þessi ótrúlega fallegu orgel í helgidóminum fagra í Hafnarfirði.

image001-2

 

 

 

 

 

 

 

 

 

 

Efnisskrá:
Jón Þórarinsson (1917-2012):
Jesús, mín morgunstjarna
Orgelforspil við íslensk þjóðlag úr Hólabók 1619

Bent Granstam (f. 1932):
I himmelen, i himmelen
Orgelforspil við sænskt þjóðlag úr safninu “Meditationer över gamla dalamelodier VIII”

Arnolt Schlick (1460-1521):
Maria zart (Milda María)

J. S. Bach (1685-1750):
Vater unser in Himmelreich BWV 636

Georg Böhm (1661-1733):
Vater unser in Himmelreich

J. S. Bach:
Nun komm der Heiden Heiland BWV 599
Nun komm der Heiden Heiland BWV 659

Kaffisopi eftir tónleika – Verið hjartanlega velkomin -
Aðgangur ókeypis!

Guðmundur Sigurðsson, 25/11 2018



Sr. Jón Helgi Þórarinsson, sóknarprestur, gsm 8985531
Sr. Þorvaldur Karl Helgason sinnir prestsþjónustu í janúar og febrúar 2019. Sími 8604860. Sr. Þórhildur Ólafs, prestur, er í leyfi í janúar og febrúar 2019

Viðtalstímar þri. - fös. kl. 10 - 12
Skrifstofa kirkjunnar opin mánud. - fimmtud. kl. 10 - 16 og föstud. kl. 10 - 12
Sími kirkjunnar er 520 5700
Neyðarsími presta í Hafnarfirði og í Garðabæ: 659 7133

Miðvikudagur

8.15 - 8.45 Morgunmessa
10:00 - 12:00 Viðtalstímar presta
13:00 - 16:30 Skákklúbburinn Riddarinn (Vonarhöfn)
15:00-16:00 Heimsókn frá Drafnarhúsi 1. miðvikudag í mánuði
20:00 - 21:00 AA-starf spor (Vonarhöfn)

Dagskrá ...