Hafnarfjarðarkirkja

 

Mozart við kertaljós í Hafnarfjarðarkirkju fimmtudaginn 19. des. kl. 21

IMG_9827_00000

Mozart við kertaljós í Hafnarfjarðarkirkju fimmtudaginn 19.des.
Kammerhópurinn Camerarctica heldur sína árlegu kertaljósatónleika í kirkjum nú rétt fyrir jólin. Hópurinn hefur leikið ljúfa tónlist eftir Mozart við kertaljós í tuttugu og sjö ár og þykir mörgum ómissandi að koma úr miðri jólaösinni inn í kyrrðina og kertaljósin í rökkrinu. 
Hópinn skipa að þessu sinni þau Ármann Helgason, klarinettuleikari, Hildigunnur Halldórsdóttir fiðluleikari, Bryndís Pálsdóttir fiðluleikari, Svava Bernharðsdóttir, víóluleikari og Sigurður Halldórsson, sellóleikari.
Á efnisskránni er strengjakvartett eftir hinn unga Mozart sem er fullur af gleði og lífskrafti og hinn þekkti og dáði Klarinettukvintett sem hefur oftsinnis heyrst á kertaljósatónleikum Camerarctica. Að venju lýkur tónleikunum á því að Camerarctica leikur jólasálminn góða ” Í dag er glatt í döprum hjörtum”, sem er úr Töfraflautunni eftir Mozart. 
Tónleikarnir verða sem hér segir: Í Hafnarfjarðarkirkju, fimmtudagskvöldið 19. desember, Kópavogskirkju, föstudagskvöldið 20. desember, Garðakirkju, laugardagskvöldið 21. desember og loks í Dómkirkjunni í Reykjavík, sunnudagskvöldið 22. desember.Tónleikarnir eru klukkustundarlangir og hefjast þeir allir klukkan 21.00. 
Aðgangseyrir er kr. 3500, og kr. 2500 fyrir nemendur og eldri borgara.. Frítt er inn fyrir börn. Miðasala við innganginn og á Tix.is

Guðmundur Sigurðsson, 19/12 2019 kl. 14.22

     

    Strandgötu, 220 Hafnarfjörður. Sími 520-5700 , fax 555-1294 · Kerfi RSS